Cilat janë historitë që po i japin formë botës tonë? A sjell rrëfimi nje reagim? Një element i përbashkët i vizioneve dhe historive është një narrativë e suksesshme, dhe ndërsa fillojmë të kuptojmë rëndësinë e tregimit në krijimin e mjediseve tona, a mund t'i bëjmë tregimet më strategjike? A mund të bëhet proza një mjet planifikimi?

Habitati ynë ka qenë protagonist i rrëfimeve vizionare që nga fillimet e prozës spekulative, me "Metropolis" i cili është filmi i parë fantashkencē me metrazh të gjatë, i prodhuar në vitin 1927. Fabula e filmit dhe skenografia spektakolare, paralajmërojnë për një të ardhme distopike të ndërtuar mbi luftën klasore të një qyteti të pafund; dhe ndërsa realiteti ynë i afrohet këtyre maktheve qindvjeçare të shtypjes, mosbalancës dhe fasadave, a mund të ketë një mënyrë për të ndërtuar aspirata të cilat ushqejnë të ardhmen tonë të përbashkët, në vend që të krijojnë paralajmërime të cilat përfundojnë duke u bërë distopia jonë bashkëkohore?

Diskutimi është ndërtuar mbi një bisedë të lirë, duke integruar prezantime të shkurtra nga katër praktika bashkëkohore të cilat janë aktive në kryqëzimin e artit dhe studimit të hapsirës, me një fokus në hetimin e vizionares dhe të paprekshmes. Prezantimet do të zgjasin nga 10 deri në 20 minuta secila ku ndërhyrjet janë të lejueshme dhe do të mbyllet me një diskutim të hapur midis pjesëmarrësve.

Folës të ftuar

  • Driant Zeneli është një artist bashkëkohor që punon kryesisht me filmin dhe fokuson hulumtimit e tij mbi ripërcaktimin e idesë së dështimit, utopisë dhe ëndrrës si elementet që hapin alternativa të mundshme.
  • Parasite 2.0 është një kolektiv ndërdisiplinor me bazë në Milano dhe Londër, i cili heton statusin e habitateve njerëzore, duke vepruar brenda një hibridi të arkitekturës, dizajnit dhe skenografisë.
  • N​atalija Paunić është një kuratore e pavarur nga Beogradi dhe një nga themeluesit e platformës kuratoriale nomade Voždovačka galerija; e cila hulumton nocionet e prozës dhe besimit.
  • Bedwyr Williams është një artist nga Uellsi, puna e të cilit shpesh mbështetet në ndodhitë e çuditshme të ekzistencës së tij autobiografike, duke shkrirë kufirin midis artit dhe jetës me një qasje komike dhe relacionale.

 

Moderator 

Elian Stefa është një kurator i pavarur dhe arkitekt me bazë në Tiranë. Prej vitit 2019 ai drejton “Galerinë e Bregdetit”, një hapësirë e pavarur buzë detit në jug të Shqipërisë, ndërsa vazhdon hulumtimet territoriale me projektin ARTiLERIA Sazan. Eliani eshte një anëtar i platformës Future Architecture dhe më parë ka marrë pjesë në Pavijonin Shqiptar në Bienalen e 13-të të Arkitekturës në Venecia me Concrete Mushrooms, një projekt i cili transformon bunkerët e braktisur të Shqipërisë në atraksione që demistifikojnë trashëgiminë territoriale komuniste në Shqipëri.