Tapiceria finale tregon fundin brutal të jetës së Timit. I vrarë në aksident automiblistik, i hapi gropën vetes duke nxituar me Ferrarin. Timi vdes në krahët e një kalimtareje dhe ndihmës së shpejtë, të dy të huaj, ndërsa gruaja e tij e dytë shikon e shokuar dhe kalimtarët bëjnë fotografi me telefonat e tyre. Një revistë e rënë në tokë nga një çantë, ka Timin dhe gruan e tij të dytë në kopertinë.
#Vajtimi bazohet në paraqitjen e të njejtës temë biblike nga artisti belg i shekullit 15 Rogier van der Weyden. Shën Mëria dhe Gjon Ungjillori mbajnë trupin e Krishtit të kryqëzuar (zëvendësuar nga Timi këtu) ndërsa Maria Magdalena (e përfaqësuar nga bashkëshortja e tij) shikon e vajton. Perry zëvendësoi një kafkë në plan të parë të pikturës së Van Der Weyden me një smartphone të thyer, duke i bërë jehonë edhe telefonit të mbajtur nga nëna e Timit në tapicerinë e parë. Kjo skenë, po ashtu i jep dritë pikturës së fundit të Hogarth në Historinë e Djalit Plangprishës, ku Tim Rakewell vdes në çmendinë.