Grayson Perry gjithmonë ka qenë i mahnitur nga shija - pse njerëzit i blejnë gjërat që duan, pse veshin çfarë duan dhe çfarë duan të shprehin kur bëjnë zgjedhjet e tyre. Në këtë seri me tre pjesë, Perry na sjell klasat sociale të Britanisë, jo vetëm për të na treguar shijen e njerëzve, por edhe për të na treguar në artin e tij çfarë ajo nënkupton. Në çdo episod, ai takon njerëz nga klasa të ndryshme sociale - klasa punëtore e Sunderland, klasa e mesme e Tunbridge Wells dhe klasa e lartë e Cotswolds - për të marrë pak nga shijet e secilës klasë.

Seritë ndjekin proçesin e kreativitetit të Grayson Perry-it. Në fillim ne shohim momentet fillestare gjatë udhëtimit të tij nëpër klasat sociale dhe më pas skeçet që ai bën nga çfarë ai përjeton. Grayson më pas dizenjon tapiceritë dhe ato janë prodhuar në Belgjikë, sipas specifikimeve të tij.

... një portret i gjallë i klasave sociale, i një qyteti dhe i një artisti.
Alex Hardy, The Times

Çdo episod mbaron me njerëzit të cilët Grayson ka takuar në udhëtimin e tij, në një galeri arti bashkëkohor në Londër. Ndikuesit kanë mundësinë të reagojnë ndaj pjesëve të artit dhe të debatojnë me Grayson-in sesi ai ka zgjedhur mënyrën e reflektimit të shijes së tij. 

Duke treguar proçesin e krijimit të tapicerive nga fillimi, ai na tregon një nga aspektet më mahnitëse të kulturës bashkëkohore, kjo seri tregon fuqinë e artit ndaj asaj çfarë ne jemi. 

Episodi 1: Shija e Klasës Punëtore

Grayson Perry e filloi udhëtimin e tij në Sunderland, një qytet me tradita të forta të klasës punëtore. I ardhur vetë nga një klasë punëtore, Perry është i interesuar sesi familja dhe udhëtimi përmes klasave formon perceptimin tonë se çfarë ne veshim apo blejmë dhe mënyra sesi ne jetojmë. Perry zbuloi një kulturë pompoze në Sunderland, gjithashtu ndikoi edhe në edukimin e tij. Ai gjithashtu ballafaqohet me snobizmin që i rrethon shumë njerëz nga shija e klasës punëtore. Së fundmi, Perry fton të gjithë njerëzit që ai takon në Sunderland në Londër për t'i treguar pjesët e artit të frymëzuara nga eksperienca e tij në qytetin e tyre, nxitur nga debati se çfarë ai ka dashur të reflektojë rreth shijes së tyre.

Episodi 2: Shija e Klasës së Mesme

Grayson Perry e gjen veten midis klasës së mesme tek Tunbridge Wells. Si dikush nga një klasë punëtore, por tani duke jetuar në klasën e mesme, Perry mahnitet nga kapërcimi nëpërmjet klasave sociale dhe kalimi tek një klase e mesme. Ai gjen një botë tjetër të tërhequr drejt markave firmato, me njerëz që duan të largohen nga shija e klasës punëtore, por janë të pasigurtë se çfarë sinjalesh të përcjellin. Në Tunbridge Wells, Grayson zbulon maninë ndaj shijeve - nga ushqimi organik tek mobiljet klasike dhe darkat luksoze. Këta janë njerëzit të cilët janë të vetë-dijshëm për vendimet e zgjedhjeve të tyre. Por, Grayson zbulon se me të gjitha ndryshimet midis shijeve të klasës së mesme që ai ndesh, kupton që të gjithë kanë një dëshirë të tregojnë se sa njerëz të mirë ata janë...

Episodi 3: Shija e Klasës së Lartë

Tek udhëtimi i tij i fundit për të na treguar se çfarë shija nënkupton për ne, Grayson perry jeton brenda klasës së lartë të Cotswolds në Gloucestershire, dhe takon Markezin e Bath dhe Longleat dhe Detmar Blow. Grayson shikon se shija e klasës së lartë mund të jetë një barrë edhe një bekim. Përkulja e njerëzve që ai takon për trashëgiminë e përshtatjen ndaj tradicionales, e bën Grayson-in të mendojë nëse ata e kanë të vështirë të krijojnë shijen e tyre personale. Si pronarë të shtëpive të vjetra madhështore, ata dijnë mjaft rreth tapicerive, por tradita e shekullit të 21 e Grayson-it me vetë shijen e tyre personale tregon një anë tjetër se për çfarë tjetër mund të përdoren tapiceritë.